----- لوحـــــده ------
في اي وقت ممكن في عز الظهر - بعد نصف الليل – الفجر ،، طول ما هو واقع تحت ضغط بيعمل بلاوي والضغط اللي بيقع تحته موبيلي نوعين (ضغط المخدة ---- وضغط شنطة الخروج).
أول ما ينزل الموبيل تحت المخدة يبدأ يستهبل وانا وظروفي بقي ............. ممكن رسايل ممكن اتصالات ،، وانا نايمة بمجرد ما يراودني حلم مزعج ويحس موبيلي من تخت المخدة فيقوم بعمل Send للي فيه النصيب والارخم ان يتصل بناس انا حاطة رقمهم عندي للحفظ لغرض معين مثلا مركز تعليمي - واحد بتاع اثاث منزلي شيك - مكتب كمبيوتر ولما مرة اتزنقت ولقيت راجل عمال يتصل بيا ويقولي انتي بتتصلي بيا !!!!!
أوووووووووووووووه
أتصرف ازاي
خد عندك
أتخن صوتي وأرعشه وأقوله معلش يابني أصل أنا مش شايفة الارقام
ومرة عملت ام العيال – أنا اسفة حضرتك بنتي بتلعب بالموبيل وانا بجهز الغدا أنا اسفة حضرتك
يادي النيلة
والأرخم بقي انه يتصل الساعة 4 الفجر بمديرتي في العمل يحسسها ان الشركة خربت بس يومها كان بفعل فاعل وهي بنت اختي 4 سنوات وما أقدرش أنكر أنها شاركت كتيررررررررر في مصايب موبيلي - و صاحب النصيب الاكبر من التهييس ده هو صاحب اخر مكالمة او اخر حد بعتله رساله :( وغالبا بتكون المديرة – يادي الفضايح
يووووووه ما كنتش عايزة افتكر علشان الموقف كان محرج جداااااااا
المهم من حوالي شهر لما روحت الشغل وشافتني المديري داخلة قالتي مالك قولتها مالي ما أنا زي الجنيه اهو قالتي اني انا (طبعا ده موبيلي) بعتلها رساله قولتها اني تعبانه بموت ومش هقدر اجي، طبعا في رسالة بالصيغة دي علي الموبيل ولكن انا بعتها للمديرة من حوالي 7 شهور
ولكن واضح ان ده اقتراح من موبيلي
أنا : أحم أحم ..... ده موبيلي بيهيس حضرتك
المديرة: بتهزري !!! نظرات أستعجاب !!! ثم ضحت طبعا عليا .. لاء لاء علي موبيلي
دة غير الرسايل الفاضية
يالهووووووووووووووي ماتعدوش
ويبعت رساليل لناس مش علي بالي وناس مش عايزة اكلمهم وناس موجودة علي الموبيل للزينة فقط.
طيب دي حاجات غصب عني
وطيب واللي انا ببتعتها بس بهبل مني ،،،، يعني بدل ما اتصل بشيماء محمد اتصل بشيماء محمود بدل ما ابعت الرسالة دي لـ Dr. Adel أبتعها لـ Dr. Ayman عادي مع ان ده دكتور في الهندسة وده دكتور الأسنان اللي بتابع عنده.
اشتريت اندكس صغير وكتبت فيها كل الارقام الغير مستخدمة والناس الغير مهمة وغيرت اسامي الناس المتشابهه علي قد ما اقدر .
لكن مش قادة اسيطر علي الموبيل هحكي بس عن اخر مصايبه وانتو احكمو
كان معايا رصيد (الله يرحمه) كان نافعني والله نزلت من العربية وفتحت شنطتي (فاكرين ،، احد انواع الضغط) لقيت مكتوب Successful massage أهئ أهئ أهي عارفين كام رسالة؟؟؟؟؟؟؟؟؟ انا بصراحة عديت لحد عشرين وبعدها اتلخبط في العد المهم ان الرصيد ضاع ........ أه يا رصيدي ....... ضاح كله ... وكلها رسايل فاضية ياريت حتي محشية جبنة ولا بطاطس.
أنا أبتديت أشك أني مصابة بالشيزوفرنيا قولت العيب في الموبيل طيب غيرت الموبيل بدل المرة ثلاثة يبقي العيب في مين اكيد موبيلي دة مدلع وعايز ياخد بالجذمة علشان يتعلمل الادب الشرعي.
قولت العيب في النوع جربت نوكيا والصيني وسوني – فاضل بس ان اروح لدكتور مهابيل !!!!!
ليست هناك تعليقات:
إرسال تعليق
نتشرف بمعرفة رأيكم