بنوتة أنا مصرية
أحلامي بسيطة وجداً عادية
ساعات بكون هاااااااااااااادية
وساعات مجنونة عصبية
وساعات بكون تايهااااااا وسارحا
وساعات بكون شقية
أكره الاحلام المخنوقة .. المحنية
بحلـــــــــــــــــم
أكون بس نفسي
وأفضل فاكرة أسمي
ولا يوم تغيب شمسي
أكتب كل اللي احسة
والكل يفهم همسي
وأقول لبكرة بوشوشة
كفاية لا تجيب أجنحة
تطير كل أحساسي
بصمت المستقبل القاسي
أو حلم بكرة اللي بيجري جري في أحساسي
وكأن الاحساس دم في الأوردة
عايش في الشريان متغطي أو عريان
بس المهم انه عايش هناك في الدم
مش تحت الاقدام هنا
بنوته أنا مصرية
بعشق بلدي وفي قلبي ليها شوية حب علي حنيه
بحبها بكل اللي فيها
وكأني أسيرة ليها
حلمت بأني أكون ،، بس ما كنتش
وساعات حلمت أموت بس ما موتش
جوايا كتير تناقض
الناس بيقولوا فاكرني بس أنا لنفسي منسية
راضية بحالي
عاشقة أسمي وبلدي الغالي
عاشقة أمي ونفسي أعمل عشانها حاجة
حاجة بجد
حاجة ما تتعملش لاي حد
ودي اكبر احلامي
نفسي ربنا يسامحني
وأدخل الجنة
وأعيش فيها عيشة أبدية وأتهني
نفسي ارسم علي اديا الحنة
وافرح واسرح وابص للسما وأتمني
نفسي تنساني الدموع
وافرح بنور الشموع
نفسي اشوف البحر من قريب
ويهمس في وداني بكلامه الطيب
نفسي ؟؟؟؟؟؟
أكون بس نفسي وأفضل فاكرة أسمي
نفسي ؟؟؟؟؟؟
أكون بس نفسي وأفضل فاكرة أسمي
ليست هناك تعليقات:
إرسال تعليق
نتشرف بمعرفة رأيكم